Արհեստական բանականությունը հաճախորդների սպասարկման ոլորտում

Գիտեի՞ք, որ մեզ պատկանող սարքերի 77%-ն աշխատում է արհեստական բանականությամբ։

 

Այսօր ԱԲ տեխնոլոգիաները օգտագործվում են բազմաթիվ ոլորտներում՝ գործընթացները ավտոմատացնելու և օպտիմալացնելու համար: Ղեկավարների 54%-ը փաստում է, որ ԱԲ խելացի լուծումներ ինտեգրելով, իրենք կարողացել են բարձրացնել բիզնեսի արտադրողականությունը։

 

Հարկ է նշել, որ արհեստական բանականությունը հրաշքներ է գործում հատկապես հաճախորդների սպասարկման ոլորտում։ ԱԲ-ով աշխատող սպասարկման համակարգերը հասկանում են հաճախորդների կարիքները, վերլուծում նրանց տվյալները և տրամադրում արագ և ճշգրիտ պատասխաններ:

 

Եկե՛ք ավելի մանրամասն ուսումնասիրենք, թե ինչպես կարելի է արհեստական բանականությունը կիրառել հաճախորդների սպասարկման ոլորտում։ 

 

Ինչպե՞ս բարելավել հաճախորդների սպասարկումը

 

Հաճախորդների սպասարկումը բարելավելու համար դուք պետք է ակտիվորեն հետևեք նրանց կարծիքներին և գնահատականներին։ Թույլ տվեք նրանց կարծիք արտահայտել իրենց փորձառության վերաբերյալ և ձեր արձագանքով ցույց տվեք, որ իրենց մեկնաբանությունները հասցեական տեղ են հասնում:

 

Կատարե՛ք ներդրումներ աշխատակիցների վերապատրաստման մեջ

Հաշվի առնելով, որ դուք թիմով եք շփվում հաճախորդների հետ, նաև կարևոր է ներդրումներ կատարել աշխատակիցների վերապատրաստման մեջ: Սպասարկման յուրաքանչյուր աշխատակից պետք է բավականաչափ տեղեկացված լինի հաճախորդների հնարավոր խնդիրների լուծման տարբերակներից: 

 

Միևնույն ժամանակ, դուք պետք է հեշտացնեք ձեզ հետ կապ հաստատելու պրոցեսը։ Հաճախորդը պետք է այնքան արագ պատասխան ստանա, որ չհասցնի նյարդայնանալ և բացել ձեր մրցակցի կայքը։ 

 

Որդեգրեք նախաձեռնողական ռազմավարություն 

 

Հաճախորդները սովորաբար  արտակարգ իրավիճակների դեպքում են կապ հաստատում սպասարկման բաժին: Բայց նույնքան կարևոր է նրանց հետ կապ հաստատել առանց որևէ առիթի: Օրինակ՝ կարող եք ստուգել, թե արդյոք նրանք գոհ են ձեր ծառայությունից, արդյոք ունեն առաջարկներ, թե ոչ։ Սա կօգնի մարդկանց զգալ, որ դուք իրենց կողքին եք: Եվ եթե նրանք իսկապես բախվեն որևէ խնդրի, նրանք վստահ կլինեն, որ այն շատ արագ լուծում է ստանալու:

 

Ինտեգրե՛ք ԱԲ հաճախորդների սպասարկման մեջ

 

 ԱԲ-ով աշխատող սպասարկման գործիքները ավտոմատացնում են գործընթացները, օգնում բիզնեսին բարձրացնել ապրանքանիշի իմիջը և հաճախորդների ընդհանուր գոհունակությունը:

 

Ինչպե՞ս օգտագործել ԱԲ-ն հաճախորդների սպասարկման մեջ

 

Բազմաթիվ եղանակներ կան, որոնցով արհեստական բանականությունը կարող է օգտագործվել հաճախորդների սպասարկման ոլորտում, քանի որ ԱԲ-ի հիմքում ընկած տեխնոլոգիաները հասկանում են մարդկային լեզուն և կարողանում են նույն լեզվով շփվել մարդկանց հետ։

 

NLP-ն (բնական լեզվի մշակում) այս տեխնոլոգիաներից մեկն է: Ի՞նչ է NLP-ն․ արհեստական բանականության ենթաճյուղ, որը հասկանում է մարդկային լեզուն՝ կանխատեսելով ասվածի հիմքում եղած մտադրությունն ու նպատակը:

 

Հաջորդ փուլը արհեստական բանականության մեկ այլ ճյուղի միջոցով է իրականացվում, որը կոչվում է մեքենայական ուսուցում: Այն ընդօրինակում է նախկինում ներդրված տվյալներն ու ալգորիթմները:

 

Բնական լեզվի մշակման տեխնոլոգիայի և մեքենայական ուսուցման համադրությունը հաճախորդների սպասարկման բաժնին թույլ է տալիս ստեղծել և վարժեցնել հարցերին պատասխանող մոդելներ։

 

Այդպիսով՝ ԱԲ-ն հաճախորդների նախորդ տվյալների մեջ գտնում է օրինաչափություններ և իրատեսական կանխատեսումներ է անում առաջիկա հարցումների վերաբերյալ:

 

Գործընթացն ընթանում է հետևյալ կերպ. արհեստական բանականությունն ուսումնասիրում է հաճախորդների հետ նախկին խոսակցությունները, սովորում դրանցից և ձևավորում պատասխաններ և առաջարկություններ, որոնք կարող են պետքական լինել ընթացիկ հարցմանը պատասխանելու համար։

 

Հաճախորդների սպասարկման մեջ ԱԲ օգտագործելու առավելությունները

 

Արհեստական բանակությունը հաճախորդների սպասարկման ոլորտում կիրառելով՝ դուք ձեռք կբերեք մի շարք առավելություններ: Եկեք դիտարկենք դրանցից մի քանիսը․

 

1. 24/7 հասանելիություն

Հաճախորդներին գոհացնելը հեշտ գործ չէ: Տեխնոլոգիաների վերջին զարգացումներով պայմանավորված՝ հաճախորդների՝ սպասարկման վերաբերյալ ունեցած ակնկալիքները է՛լ ավելի են խստացել: Հաճախորդներին սպասարկելու համար ընկերությունները մեծ թիմեր են ստեղծում, ինչը սակայն հսկայական քանակությամբ ռեսուրսներ է պահանջում։ Բացի այդ, ոչ աշխատանքային ժամերին և օրերին արդյունավետ սպասարկում ապահովելը մնում է խնդիր։ 

 

Իսկ ի տարբերություն մարդկանց՝ ԱԲ օգնկանաը չի դադարում աշխատել: Այն երաշխավորում է շուրջօրյա հասանելիություն՝ բացառելով երկար հերթներն ու նյարդայնացնող սպասելաժամանակը։ 

 

2. Մատչելիություն

ԱԲ օգնականի ինտեգրումը հաճախորդների սպասարկման ոլորտում կարող է նվազեցնել ծախսերը՝ կապված անձնակազմի աշխատանքի ընդունման, վերապատրաստման և կառավարման հետ: 

 

Իհարկե, արհեստական բանականությունը չի կարող ամբողջությամբ փոխարինել մարդկանց, բայց այն կարող է օգնել հարցումները ճիշտ առաջնահերթությամբ սահմանելու և ըստ դրա՝ աշխատուժը թիմակիցների մեջ բաշխելու գործում։ Վիճակագրությունը ցույց է տալիս, որ վիրտուալ օգնականները 77%-ով կրճատում են հարցումներին պատասխանելու միջին ժամանակը։

 

3. Բազմալեզու կիրառություն

ԱԲ գործիքները կարող են ծրագրավորվել այնպես, որ հասկանան տարբեր լեզուներ և բարբառներ՝ թույլ տալով օգտատերերին հաղորդակցվել իրենց մայրենի լեզվով: 

Սա մեծ առավելություն է, որ կարող է գրավել նորանոր հաճախորդների տարբեր երկրներից։ Մարդիկ չեն վարանի ձեզ հարց տալ՝ վախենալով, որ իրենց հարցը տեղ չհասնի կամ լեզվական խոչընդոտի պատճառով սխալ կընկալվի։ 

 

4. Տվյալների հավաքագրում

Պատկերացրեք՝ ինչ մեծ ծավալի տվյալներ և վիճակագրության կարող եք ստանալ ԱԲ օգնականից՝ որոշ ժամանակ այն որպես հաճախորդների սպասարկման հիմնական գործիք օգտագործելուց հետո: Եվ այդ տվյալներն օգտակար կարող են լինել ոչ միայն հաճախորդների սպասարկման բարելավման, այլ նաև բիզնես-մարքեթինգային նպատակների համար:

 

Օրինակ՝ դուք կարող եք նկատել աճող թվով հարցումներ ձեր պրոդուկտի որոշակի գործառույթի վերաբերյալ, որը դեռևս հասանելի չէ: Նման տվյալները կարող են դառնալ ոգեշնչման աղբյուր՝ նոր ապրանքներ, ֆունկցիոնալ հնարավորություններ և ծառայություններ ստեղծելու համար։

 

Տվյալների հավաքագրման միջոցով դուք նաև կկարողանաք անհատականացված պատասխաններ տալ ձեր հաճախորդներին։ ԱԲ օգնականը կարող է ֆիքսել, որ, օրինակ, տվյալ հաճախորդը նախկինում մի քանի անգամ պատվեր է գրանցել և հավանական է, որ նաև կարող է հետաքրքրված լինել ձեր նոր ծառայությամբ կամ պրոդուկտով։ Այդ ամենը հաշվի առնելով՝ ԱԲ օգնականը կարող է ինքնուրույն առաջարկ անել հաճախորդին և նոր պատվեր գրանցել։

 

5. Հետևողական և նույնաոճ պատասխանների տրամադրում

Ձեր հաճախորդների դրական փորձառությունը խթանելու համար անհրաժեշտ է ապահովել հետևողական և նույնաոճ հաղորդակցման ձև։ Այդ հարցում ԱԲ օգնականներն անփոխարինելի են։ Եթե սպասարկման աշխատակիցները կարող են աշխատել որոշակի ժամանակահատված, հետո դուրս գալ աշխատանքից կամ սպասարկել հաճախորդներին ըստ իրենց տրամադրության, ԱԲ օգնականները մշտապես հասանելի են և ունեն կայուն աշխատանքային արդյունավետություն։

 

Նախ, հաղորդակցման ոճն ու մոտեցումը նույնը կլինեն բոլոր հաճախորդների համար: ԱԲ օգնականը ինքնուրույն կսովորի ձեր ապրանքանիշի հաղորդակցման տոնը և կօգտագործի այն հաճախորդների հետ շփվելիս: Մյուս կողմից, բոլոր հարցումները պատասխան կստանան նույն ժամանակահատվածում և ձեր հաճախորդները երբեք ստիպված չեն լինի նույն հարցը տալ և մանրամասներ բացատրել տարբեր գործակալների՝ հերթափոխի փոփոխությունների պատճառով:

 

6. Աշխատակիցների պրոդուկտիվության բարձրացում

ԱԲ օգնականի միջոցով ավտոմատ պատասխանելով կրկվող հարցումներին, դուք կկրճատեք սպասարկման բաժնի աշխատանքային ծավալը։ Այդպիսով՝ սպասարկման աշխատակիցները կկարողանան կենտրոնանալ առավել կարևոր և բարդ հարցումների վրա։ Մյուս կողմից՝ նրանք ավելի արդյունավետ կօգտագործեն իրենց ժամանակը, իսկ դուք կգրանցեք թիմային պրոդուկտիվության աճ։ 

 

ԱԲ-ի և ավտոմատացման կիրառության օրինակներ հաճախորդների սպասարկման մեջ

 

Ինչպես արդեն նշեցինք՝ ԱԲ-ով են աշխատում վիրտուալ օգնականները, որոնք արագ և ճշգրիտ պատասխաններ են ուղարկում հաճախորդների հացրումներին՝ հիմնվելով նախկին նամակագրության և տվյալների բազայի վրա։ 

 

Նույն ԱԲ մեխանիզմն է գործում նաև հարցումների համակարգված բաշխման ժամանակ։ ԱԲ-ն կարողանում է ստացվող հարցումները ուղղորդել համապատասխան աշխատակցին կամ թիմին՝ ըստ հարցման բարդության և թիմի փորձառության։ Այս մեխանիզմի շնորհիվ սպասարկման աշխատակիցներն այլևս ստիպված չեն լինի անցնել բոլոր հարցումներով՝ միմյանց միջև դրանք բաժանելու համար։ Զուգահեռ կարագանա նաև հարցումներին պատասխանելու միջին ժամանակը։

 

Ամփոփում

ԱԲ տեխնոլոգիաներն օգտագործվել են բազմաթիվ ոլորտներում՝ ավտոմատացնելու և օպտիմալացնելու գործընթացները։ Այդ ոլորտների շարքում է նաև հաճախորդների սպասարկումը:ԱԲ-ով աշխատող սպասարկման համակարգերը կարող են օգնել ձեր բիզնեսնին խնայել ժամանակ և գումար՝ արագացնելով հարցումների արձագանքման ժամանակը և նվազեցնելով մեխանիկական աշխատանքի անհրաժեշտությունը: 

 

Եթե դուք դեռ չեք կիրառում ԱԲ տեխնոլոգիաները ձեր բիզնեսում, ապա հիմա ճիշտ ժամանակն է ԱԲ-ն ինչ-որ ձևով ձեր աշխատանքային պրոցեսների մեջ ինտեգրելու։ 

Եթե ցանկանում եք մեծ հաջողությունների հասնել, անհրաժեշտ է օգտվել ժամանակի տեխնոլոգիական առավելություններից։ Սկսե՛ք հենց այսօր։